Հարուստների երեխաները հաճախ են հարբում

Չնայած աղքատությունը մի շարք տհաճությունների և հիվանդությունների ռիսկի գործոն է, նոր հետազոտությունները ցույց են տվել, որ միջին և բարձր խավի երիտասարդներն ավելի հաճախ են չարաշահում ալկոհոլը, քան աղքատ խավի իրենց հասակակիցները:

Բրիտանացի 5.837 տասերեքամյա դեռահասների թվում, որ մասնակցել են հարցմանը, աղքատ խավի ներկայացուցիչները չեն փորձել ալկոհոլի համը: Երբ գիտնականները նրանց հինգ խմբի բաժանեցին, ըստ իրենց ծնողների եկամտի, պարզվեց, որ նրանցից ամենաաղքատները 22% ավելի քիչ են խմել հարցմանը նախորդող վեց ամսվա ընթացքում, ինչպես նաև նրանց մեջ քիչ էին հարբելու աստիճան խմածները: Ընդ որում այս գործոնից նրանց ետ է պահում մայրերի կրթվածությունը՝ առավել կրթված մայրերի երեխաները առավել քիչ են խմում:

«Ընդհանուր առմամբ համարվում է, որ հարուստ ընտանիքների ներկայացուցիչներն աչքի են ընկնում առողջ սովորույթներով: Մեր աշխատանքը ցույց տվեց, որ դա միշտ չէ, որ այդպես է», - բացատրում են հետազոտողները: Գիտնականների կարծիքով հարուստ ընտանիքների դեռահասների համար ալկոհոլն ավելի թույլատրելի է դառնում:

Համաձայն արդյունքների՝ աղքատ ընտանիքի երեխաները քիչ են խմում, նույնիսկ եթե հաշվի չառնենք ծնողների կրթությունը և մասնագիտությունը: Բարձրագույն կրթությամբ մայր ունեցող դեռահասները նաև ավելի քիչ են խմում` անկախ ընտանիքի եկամտից: Ինչ վերաբերում է ծխելուն,  այս վատ սովորությունը առավել տարածված է ֆինանսապես քիչ ապահովված ընտանիքի դեռահասների մոտ:

Հարցեր, պատասխաններ, մեկնաբանություններ